والله إني كنت ألوم اللي يضيق إن غـاب خلّـه
ليـن جرّبـت المحبـه والفـراق وقلـت توبـه
لعنبو . جد المفـارق فيـه هـم . وفيـه ذلّـه
أثر كـل الحـب لـذه والفـراق أكبـر عيوبـه
أمس . فارقت الغـلا ومفـارق الخـلان علّـه
والعلاج الوصـل لاتبلـش طبيـب ولا حبوبـه
الزعل هـو سبّـة الفرقـا يهّـز الحـب كلّـه
ليتنـي طولّـت بالـي قبـل لا يعلـن غروبـه
واهني اللي وسيع الصـدر صـدره وسـع فلّـه
غلطة الصاحب تجي وتروح ماهـي بمحسوبـه
عارفٍ قدره وقـدر اللـي يحبـه فـي محلّـه
ذاك نفسه لا حشا ماهي علي الحـب مغصوبـه
سامـح الله طبعـي الـلـي للتغـيّـر يالعـلّـه
قاضبٍ خلك عزيز . ولين صارت لـي عقوبـه
ليش تحسب غلطة الصاحب علي الصاحب مذلّه ؟
ليش ماتحسب ميانـه لوتجـي عشريـن نوبـه
لا وربي كنـت أحبـه حيـل مـادوّرت زلّـه
لا تشكك في غلاه . ولا تساعـد فـي هروبـه
مهما اجتمع الشمل واجتمعنا فالدروب لابد وأن تقطع أوصال حبالي