ملتقى طلاب جامعة الأقصى إدارة وتصميم BeSo


 
اليوميةالرئيسيةس .و .جقائمة الاعضاءالمجموعاتبحـثالتسجيلدخول

شاطر | 
 

 السوريه والفلسطينيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ديانا
أقصاوي مع مرتبة الشرف
أقصاوي مع مرتبة الشرف


انثى
عدد الرسائل : 224
العمر : 25
التخصص : حلم حياتي ادرس حقوق
المستوى : انشاء الله بنوصل الرابع
المدينة : خان يونس
الهواية : ترجمة الروايات والسياحة والسفر
تاريخ التسجيل : 13/05/2008

مُساهمةموضوع: السوريه والفلسطينيه   الإثنين مايو 19, 2008 4:22 pm

الفرق بين الزوجة الفلسطينية والسورية




اذا وقع زوجها عن الدرج:






السوريه


: ولي على آمتي، سلامتك حبيبي أنشاء الله ، انا ولا انتا ابن عمي ( ميته خوف عليه )







الفلسطينية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)









اذا الزوج بدو يسافر:







السوريه





: انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه








الفلسطينية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد








إذا الزوج تأخر بره فى شغل او مع صديق:







السورية





: شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )








الفلسطينية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)









إذا طلبت شى منه :








السورية





: إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.








الفلسطينية





: إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )









إذا جابلها هدية :







السورية





: يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري






الفلسطينية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )








اذا بدك شي منها :







السورية





: من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي






الفلسطينية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.








لو طلبت منها فنجان قهوة :







السورية





: من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )








الفلسطينية :





بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )







اذا حكالها (بدك شي؟) وهو طالع :






السورية





:- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )








الفلسطينية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.








الذوق والتنويع فى الاكل:







السورية :





سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.








الفلسطينية





: لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.




طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.




وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق



بس مو كل الفلسطينية هيك مو يا صبايا؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بلبل
أقصاوي مع مرتبة الشرف
أقصاوي مع مرتبة الشرف


ذكر
عدد الرسائل : 598
العمر : 28
التخصص : كلية الفنون الجميلةتربية فنيــة
المستوى : تانى
المدينة : غــزة
الهواية : الرســـم
تاريخ التسجيل : 14/05/2008

مُساهمةموضوع: رد: السوريه والفلسطينيه   الإثنين مايو 19, 2008 5:15 pm

: شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )








الفلسطينية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)



ههههههههههههههههههههههههههههههههههههههههه
هههههههههههههههههههههههههههههههههههههههه

والله حلوة منك يا ديانا

بجد يسلموووووو على هالموضوع الحلووووووووو

لك تضربي ع هيك كلاااااااااااام
هههههههههههههههههههههه

تحياتى الك خيتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.x300x.net
أستاذ الكلمة
اقصاوي طاير معانا
اقصاوي طاير معانا


ذكر
عدد الرسائل : 173
العمر : 29
التخصص : اعلام
المدينة : خان يونس
الهواية : الكتابة وممارسة الرياضة
تاريخ التسجيل : 08/04/2008

مُساهمةموضوع: رد: السوريه والفلسطينيه   الإثنين مايو 19, 2008 10:43 pm

اختاه

رغــم ان هذه الكلمات التي نقلتيه لنا بطيبة قلبك

فأنا أعتقد بل أنا على يقين بأن من كتبها يحقد عل كل فلسطينية

والسبب

بأن الأم الفلسطينية هي الأم والزوجة المثالية في كل العام

يكفيني شرفاّ بأن أمي فلسطينية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو المجد
أقصاوي طالع من الفرن
أقصاوي طالع من الفرن


ذكر
عدد الرسائل : 9
العمر : 25
التخصص : ادارة اعمال
المستوى : اول
المدينة : الوسطىالكتابة
الهواية : الكتابة والسباحة
تاريخ التسجيل : 19/05/2010

مُساهمةموضوع: رد: السوريه والفلسطينيه   السبت مايو 29, 2010 5:09 am







اليوم شفت تشكيله حلوة من الحمير وقلت لازم تتنوروا
انوااع الحمييير ..





حمار مسلطن .





حمار رومانسي .







حمار محشش.





حمار غلبان





حمار مراهق .





حمار دلوع .





حمار حمار .





بيبي حمار





حمار مشبه على خياله .





حمار مقاوم .





حمار اصلي .





حمار معارض .





حمار صايع .





حمار متلجي .




حميير مثقفه ومتعلمه .







وأخيراً
سيد الحمير وسيده


























الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مجنونة
أقصاوي طالع من الفرن
أقصاوي طالع من الفرن


انثى
عدد الرسائل : 4
العمر : 26
التخصص : علم اجتماع
المستوى : متخرجة
المدينة : غزة
الهواية : الرسم والاشغال اليدوية
تاريخ التسجيل : 13/02/2012

مُساهمةموضوع: رد: السوريه والفلسطينيه   الإثنين فبراير 13, 2012 3:00 am

ههههههههههههههههههههههههههههههههههههههههه
بجد حلوة بس هيك راح نزعل ناس منا مش كل الفسطينيات هيك

المجنونة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روعة الليل
أقصاوي إتأقلم على الوضع
أقصاوي إتأقلم على الوضع


انثى
عدد الرسائل : 17
العمر : 23
التخصص : *********
المستوى : *****
المدينة : ********
الهواية : *********
تاريخ التسجيل : 05/08/2012

مُساهمةموضوع: رد: السوريه والفلسطينيه   الأحد أغسطس 05, 2012 8:15 pm

هههههههههههه

يسلمووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
السوريه والفلسطينيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى طلاب جامعة الأقصى إدارة وتصميم BeSo :: أقسام الملــتقى العــام :: منتدى الفرفشة واللعب-
انتقل الى: